தமிழ்நாட்டில் செல்வாக்கு செலுத்துகிற அரசியலாக திராவிட அரசியல் உள்ளது. திராவிட அரசியலின் எல்லாப் புகழும் திராவிட முன்னேற்றக் கழகம் என்கிற கட்சிக்கு மட்டுமே ஆனதாக நிலைமை இப்போது மாறியும் விட்டது. தமிழகத்தின் இதுவரைக்குமான வளர்ச்சிக்கும், குறிப்பாக தமிழகம் அடைந்திருக்கிற சமூக நீதிக்கும் திராவிட அரசியல்தான் முழுமுதல் காரணம் என்பதுதான் திராவிட அரசியலாளர்களின் வாதம்.
இல்லை, திராவிடத்தால் தமிழ்நாடு அழிந்து சுடுகாடாகப் போய்க்கொண்டிருக்கிறது என்பது நாம் தமிழர் வாதம்.
இங்கே நூறாண்டுகளைக் கடந்த பாரம்பரியமுடைய பாட்டாளிவர்க்கத்தின் வாதம் என்ன? என்பது மிக முக்கியமான கேள்வி. இந்தக் கேள்விக்கு விடை காண வேண்டுமானால், திராவிட – நாம் தமிழர் அரசியலின் வர்க்கப் பின்னணி தெரிந்திருக்க வேண்டும். அதற்கான சிறு முயற்சி இந்த சிறிய நூல்.