நாம் கோலங்கள் போடுவோம்
வீட்டிலிருப்பதால்
விதவிதமாய் சமைப்போம்
அந்தாக்சரியில் கலக்குவோம்
கொரோனாவை
நடுவிரல் காட்டி ஏளனம் செய்வோம்
அங்கே
குடல் ஒட்டி
பசி பசியென
ஓலமிடுகிறார்கள்
கெஞ்சும் வயிற்றை
தூக்கு கயிறால் சமாதானம் செய்கிறார்கள்
நாம் கண்கள் சுருக்கி
முகம் வாடி
ஒரு உதட்டுச் சுழிப்பை வெளிப்படுத்துவோம்
கூடவே இப்படி வீதியில்
அலைந்தால்
கொரோனா வந்து
சாகத்தான் வேணுமென
அங்கலாய்த்துக் கொள்வோம்
சரி போதும்
வாருங்கள், நாம்
அந்தாக்சரியை தொடரலாம்
– ஜீவா